أنا كركار وأفتخر

في إطار النفاق السياسي:
محسن مرزوق صاحب فضيحة البنما يدعو إلى محاربة الفساد
الشاهد موظف السفارة الأمريكية يتوعد الفاسدين
السبسي مولى الدبو، يبدل الحكومة لفشلها في محاربة الفساد

الغنوشي متاع التكتيك، الحكومة الجاية باش تقاوم الفساد والمفسدين

وغيرهم وغيرهم

قمة النفاق واستبلاه قطيع الشعب

برجولية…

باش نولي  نخدم خدمة الشيطان

باش نولي نحارب المصلحين والشرفاء وأصحاب الضمير الحي

وين باش يعرضني انسان شريف، باش نوسوسلو، ونحللو الرشوة  والارتشاء والتكركير والتكمبين في الخدمة
لازم الشرفاء ينقرضو من تونس
الدولة ميزالت قايمة على هالأربعة كعبات الي ميزالو يخدمو بضمير
بجاه ربي يا شرفاء موتو وانقرضو ثماش ما تطيح هالدولة ونرتاحو من هالرهوط ، هالكمشة مــ### متاع السياسة.

خليونا نبداو نبنيو في الوطن من الأول وجديد.

ما ثماش حل آخر

خليني ندخل لجهنم، باش ولادي ينعمو بالجنة

fasad

1 Star2 Stars3 Stars4 Stars5 Stars (No Ratings Yet)
Loading...